ភាពធន់នឹងអាកាសធាតុ
មុខរបរចិញ្ចឹមជីវិតប្រកបដោយនិរន្តរភាព
ជាង 75% នៃប្រជាជនកម្ពុជារស់នៅតំបន់ជនបទ ប្រកបរបរកសិកម្មខ្នាតតូច នេសាទ និងធ្វើការដោយពលកម្មម្តងម្កាល និងអាជីវកម្មខ្នាតតូច។ ការចិញ្ចឹមជីវិតរបស់ពួកគាត់ពឹងផ្អែកជាចម្បងលើធនធានធម្មជាតិដែលមានស្រាប់ ហើយត្រូវបានជះឥទ្ធិពលដោយកត្តានានា ដែលជារឿយៗ ហួសពីសមត្ថភាពគ្រប់គ្រងរបស់ពួកគាត់។
តាមរយៈការបង្កើតនិងផ្ដល់សេវាប្រឹក្សា បសុពេទ្យ បច្ចេកទេស និងសេវាកម្មផ្សេងៗទៀតដល់កសិករ យើងជួយប្រជាជនក្នុងការលើកកម្ពស់ជីវភាពរបស់ពួកគាត់ និងគេចផុតពីវដ្តនៃភាពក្រីក្រ។ យើងក៏ចែករំលែកជាមួយពួកគាត់នូវចំណេះដឹងអំពីរបៀបប្រើប្រាស់ប្រភពថាមពលជំនួស និងថាមពលកកើតឡើងវិញ ដូចជា ជីវឧស្ម័ន និងថាមពលពន្លឺព្រះអាទិត្យ និងអប់រំពួកគាត់អំពីការចិញ្ចឹមសត្វ។ ជាចុងក្រោយ អង្គការ PIN សហការបង្កើតអន្តរបណ្ដាញរវាងអ្នកបង្កាត់ពូជសត្វ អ្នកផ្តល់សេវាកម្ម និងអ្នកចូលរួមក្នុងទីផ្សារ ក៏ដូចជាចូលរួមនៅក្នុងការកសាងនិងពង្រឹងទីផ្សារក្នុងស្រុក។
យើងធ្វើការជាមួយអង្គការក្នុងស្រុក និងអ្នកពាក់ព័ន្ធផ្សេងទៀត ដើម្បីពង្រឹងខ្សែចង្វាក់តម្លៃទីផ្សារ និងធានាមុខរបរចិញ្ចឹមជីវិតប្រកបដោយនិរន្តរភាពនៅក្នុងវិស័យកសិកម្មដ៏រឹងមាំនិងកំពុងរីកលូតលាស់របស់កម្ពុជា។
ថាមពលបៃតង
នៅក្រោមវិស័យថាមពលបៃតង មានគម្រោងពីររៀងៗខ្លួនដែលផ្តោតលើការជំរុញថាមពលកកើតឡើងវិញ ជាពិសេស ថាមពលពន្លឺព្រះអាទិត្យ។
គម្រោង SWITCH to Solar ត្រូវបានរៀបចំជាគោលគំនិតដោយអង្គការ ភីពផលអ៊ីននីត ដោយសហការជាមួយអង្គការ EnergyLab និងអង្គការ Sevea ដែលផ្ដល់មូលនិធិដោយសហភាពអឺរ៉ុប តាមរយៈកម្មវិធី SWITCH Asia Network Facility និងទីភ្នាក់ងារអភិវឌ្ឍន៍របស់សាធារណរដ្ឋឆែក (CzDA)។ គម្រោងនេះត្រូវបានអនុវត្តនៅទូទាំងតំបន់ទន្លេសាបនៃប្រទេសកម្ពុជាដើម្បីគាំទ្រដល់សហគ្រាសធុនមីក្រូ តូច និងមធ្យម (MSMEs) ឱ្យងាកមកប្រើប្រាស់បច្ចេកវិទ្យាផ្អែកលើព្រះអាទិត្យ ក្នុងគោលបំណងលើកកម្ពស់ថាមពលស្អាតនិងការងារបៃតងនៅក្នុងវិស័យកសិកម្មនិងជលផល។
សកម្មភាពដែលកំពុងដំណើរការឬសកម្មភាពកន្លងមក
គម្រោងផ្លាស់ប្តូរទៅថាមពលព្រះអាទិត្យ
ខណៈដែលកម្ពុជាបន្តទាញយកសក្តានុពលថាមពលស្អាតនៅទូទាំងប្រទេស សហភាពអឺរ៉ុបបានចុះហត្ថលេខាលើកិច្ចព្រមព្រៀងគម្រោងចំនួនពីរដែលមានតម្លៃ 5,3លានអឺរ៉ូ ដើម្បីលើកកម្ពស់ការប្រើប្រាស់ និងផលិតប្រភពថាមពលដែលមាននិរន្តរភាព និងតម្រង់ផ្លូវសហគ្រាសធុនតូចនិងមធ្យមក្នុងស្រុកឆ្ពោះទៅរកការស្ដារឡើងវិញនូវសេដ្ឋកិច្ចបៃតងនៅកម្ពុជា។
គម្រោង ការផ្លាស់ប្ដូរទៅថាមពលព្រះអាទិត្យ នឹងលើកកម្ពស់គំរូផលិតកម្មនៅក្នុងវិស័យកសិកម្មនិងជលផលនៅកម្ពុជា ដោយផ្ដោតសំខាន់លើការកែច្នៃកសិកម្ម តាមរយៈការលើកទឹកចិត្តឱ្យសហគ្រាសធុនមីក្រូ តូច និងមធ្យម (MSMEs) ប្រើប្រាស់នូវថាមពលពន្លឺព្រះអាទិត្យ និងជំរុញការពង្រីកការអនុវត្តបន្ថែម តាមរយៈការធ្វើបង្ហាញនិងលទ្ធភាពក្នុងការរកបានហិរញ្ញវត្ថុ។ ការលើកកម្ពស់ការយល់ដឹងអំពីផលិតកម្មប្រកបដោយនិរន្តរភាព ក៏នឹងត្រូវបានផ្សព្វផ្សាយផងដែរ; ការពិភាក្សាគោលនយោបាយនឹងត្រូវបានរៀបចំឡើង; ក្រសួងពាក់ព័ន្ធនឹងចូលរួមនៅក្នុងការបង្ហាញអំពីការអនុវត្តផលិតកម្មប្រកបដោយនិរន្តរភាព; ហើយទំនាក់ទំនងទៅវិញទៅមករវាងសហគ្រាសធុនមីក្រូ តូច និងមធ្យម (MSMEs) និងអន្តរការី
វិស័យហិរញ្ញវត្ថុនឹងត្រូវបានគាំទ្រ។
គម្រោងនេះ មានគោលបំណងចម្បងដើម្បីសម្រេចបានដោយកាត់បន្ថយផលប៉ះពាល់បរិស្ថាននៃការប្រើប្រាស់ថាមពលរបស់សហគ្រាសធុនតូច និងមធ្យម និងការបង្កើតឱកាសការងារបៃតង។ ពិសេសជាងនេះទៅទៀត គម្រោងនេះមានគោលបំណងធ្វើឱ្យប្រសើរឡើងនូវគំរូផលិតកម្ម និងឥរិយាបថនៅក្នុងតំបន់ជនបទនៃប្រទេសកម្ពុជា តាមរយៈការគាំទ្រដល់សហគ្រាសធុនតូច និងមធ្យមដើម្បីប្តូរពីថាមពលដែលមិនស្ថិតស្ថេរទៅជាប្រភពថាមពលពន្លឺព្រះអាទិត្យ។
លើ កកម្ពស់ការប្រើ ប្រា ស់បច្ចេ កវិទ្យាថាមពលពន្លឺព្រះ អាទិត្យ សម្រា ប់វិស័យកសិកម្ម និងអភិវឌ្ឍន៍ជនបទនៅ កម្ពុជា និងមីយ៉ាន់ម៉ា
ទីផ្សារ និងមន្ត្រីផ្នែកសេវាកម្មបន្ថែម និងការបង្កើតកន្លែងទីផ្សារដែលប្រើបច្ចេកវិទ្យាសម្រាប់ការចែករំលែកព័ត៌មានទីផ្សារ និងចំណេះដឹងបច្ចេកទេស។
សម្រាប់ប្រទេសកម្ពុជា អ្នកទទួលបានផ្ទាល់ប្រហែល 7,000 នាក់ ត្រូវបានដៅជាគោលដៅ ក្នុងនោះ
រាប់ទាំងភ្នាក់ងារទីផ្សារ ដែលនឹងដើរតួនាទីជាអន្តរការីនៅក្នុងប្រតិបត្តិការទិញលក់ទំនិញកសិកម្ម កសិករជាអ្នកផលិតដែលនឹងទទួលបាននូវបច្ចេកទេសកសិកម្មប្រកបដោយនវានុវត្តន៍ដើម្បីលើកកម្ពស់ ផលិតភាព និងសហគ្រិនស្ត្រីដែលមានបទពិសោធន៍ ដែលត្រូវបានដៅជាគោលដៅសម្រាប់ការកសាងសមត្ថភាព។
គម្រោងនេះមានគោលបំណង បង្កើនភាពធន់នៃវិស័យកសិកម្មនៅកម្ពុជាចំពោះការប្រែប្រួលអាកាសធាតុ តាមរយៈអន្តរាគមន៍បីផ្នែក៖ (i) គាំទ្រដល់ការអនុវត្តកសិកម្មដែលមានភាពធន់ (ii) ការលើកកម្ពស់ខ្សែចង្វាក់តម្លៃកសិកម្ម និង (iii) ការលើកកម្ពស់និងពង្រីកការប្រកាន់យកនូវបច្ចេកវិទ្យាថាមពលពន្លឺព្រះអាទិត្យសម្រាប់ការបូមទឹកនិងការផ្គត់ផ្គង់ទីផ្សារថាមពល។
គម្រោងបង្កើនការជនបទ ដើម្បីស្តារសេដ្ឋកិច្ចដែលរងផលប៉ះពាល់ដោយសារជម្ងឺកូវីដ-១៩
សកម្មភាពនេះផ្ដោតលើផលប៉ះពាល់នៃជំងឺរាតត្បាតកូវីដ-19 មកលើតំបន់ទន្លេសាប រួមបញ្ចូលទាំងស្រុកនានាដែលមានចំនួនពលករចំណាកស្រុក ដែលវិលត្រឡប់មកវិញច្រើនជាងគេបំផុត។ ពលករ
ចំណាកស្រុកដែលវិលត្រឡប់មកវិញ ត្រូវបានផ្ដោតគោលដៅជាពិសេសនៅក្រោមសកម្មភាពនេះ ដើម្បីដាក់បញ្ចូលពួកគាត់ឱ្យទទួលបានឱកាសបណ្ដុះបណ្ដាល និងអភិវឌ្ឍន៍អាជីវកម្មដើម្បីពួកគាត់អាចចាប់ផ្ដើមអាជីវកម្មតូចផ្ទាល់ខ្លួន ឬដើម្បីស្វែងរកការងារធ្វើជាមួយអ្នកផ្ដល់សេវា ឬសហគ្រាសធុនតូចនិងមធ្យមក្នុងវិស័យកសិកម្មដែលមានស្រាប់។
សកម្មភាពនេះប្រើប្រាស់វិធីសាស្រ្តប្រព័ន្ធទីផ្សារដើម្បីជំរុញការផលិតផលិតផលដែលមានតម្លៃខ្ពស់ និងបន្ថែមតម្លៃដល់ខ្សែចង្វាក់តម្លៃវិស័យសាកវប្បកម្ម និងបសុបក្សី។ ទំនាក់ទំនងនេះត្រូវបានពង្រឹងជាមួយអ្នកទិញដែលជាដៃគូបច្ចេកទេសដើម្បីបង្កើនការលក់ និងប្រាក់ចំណូលសម្រាប់សហគ្រាសធុនតូច និងមធ្យម។ អង្គការ PIN កំពុងធ្វើការជាមួយអ្នកទទួលផលផ្សេងៗ ដូចជា សហគមន៍កសិកម្ម (AC) ក្រុមអ្នកផលិត (PG) គ្រូបង្គោលកសិករ ពេទ្យសត្វក្នុងស្រុក អ្នកចិញ្ចឹមមាន់ កសិដ្ឋានបង្ហាញ កន្លែង
សត្តឃាត ក្រុមហ៊ុនបសុពេទ្យ និងសហគ្រាសសង្គម។
គម្រោងនេះមានគោលបំណងចូលរួមចំណែកស្តារសេដ្ឋកិច្ចរួមឡើងវិញនៅក្នុងតំបន់បឹងទន្លេសាប តាមរយៈការធ្វើឱ្យប្រសើរឡើងនូវសន្តិសុខស្បៀង ប្រាក់ចំណូល និងឱកាសការងារសម្រាប់សហគមន៍នេសាទ និងកសិកម្ម និងពលករចំណាកស្រុកដែលវិលត្រឡប់មកវិញ ដោយប្រើទំនាក់ទំនងដែលមានស្រាប់ជាមួយវិស័យឯកជន និងដៃគូសង្គមស៊ីវិលនៅក្នុងតំបន់ ដើម្បីពង្រឹងខ្សែចង្វាក់តម្លៃឱ្យកាន់តែប្រសើរថែមទៀត ដោយភ្ជាប់ទំនាក់ទំនងរវាងអ្នកផលិត អ្នកកែច្នៃ និងអ្នកទិញផលិតផល។
គម្រោងនេះគឺដើម្បីធានាថា កសិករខ្នាតតូច និងអ្នកនេសាទបានបង្កើនផលិតកម្ម និងការប្រើប្រាស់ស្បៀងនៅក្នុងខ្សែចង្វាក់តម្លៃវិស័យសាកវប្បកម្មនិងបសុសត្វ តាមរយៈការប្រើប្រាស់ការអនុវត្ត ផលិតផល និងសេវាកសិកម្មប្រកបដោយប្រសិទ្ធភាព។
ការវិលត្រលប់មកវិញរបស់ពលករចំណាកស្រុក និងកម្មករដែលត្រូវបានបញ្ឈប់ពីការងារនៅក្នុងវិស័យដែលរងផលប៉ះពាល់ដោយជំងឺកូវីដ-19 មានលទ្ធភាពប្រសើរឡើងក្នុងការទទួលបានជំនាញទាក់ទងនឹងទីផ្សារហិរញ្ញវត្ថុដែលមានការប្រាក់សមរម្យ និងសេវាគាំពារសង្គម។
សង្គមស៊ីវិល អាជ្ញាធរ និងទីផ្សារសម្រាប់ផលិតកម្មសត្វ ជីវភាព និងបរិស្ថានសហគមន៍ប្រកបដោយនិរន្តរភាព (CAM4SCALE)
លទ្ធភាពទទួលបានចំណេះដឹង បណ្ដាញ ការគាំទ្រ និងធាតុចូលប្រកបដោយគុណភាព។ អង្គការ PIN នៅកម្ពុជាគាំទ្រដល់ការលើកកម្ពស់ផលិតកម្មបសុសត្វ ពង្រឹងបណ្ដាញសង្គមស៊ីវិល បំផុសចលនាឱ្យ
វិស័យឯកជនចូលរួម និងលើកកម្ពស់ការអភិវឌ្ឍសេដ្ឋកិច្ចមូលដ្ឋានប្រកបដោយបរិយាបន្ន។