ការឆ្លើយតបបន្ទាន់ និងការស្ដារឡើងវិញ

ការឆ្លើយតបចម្រុះលើការបង្ការ និងការគាំពារចំពោះកូវីដ-១៩

ភាពធន់នៅក្នុងប្រទេសកម្ពុជានៅតែបន្តប្រសើរឡើងក្នុងវិស័យផ្សេងៗ។ ប្រទេសកម្ពុជាបានធ្វើឱ្យប្រសើរឡើងយ៉ាងខ្លាំងក្នុងការថយចុះសមាមាត្រមរណភាពមាតា និងទារក និងបានលើកកម្ពស់ការថែទាំសុខភាពសម្រាប់ម្តាយថ្មីថ្មោង និងទារកទើបនឹងកើត។ ទោះជាយ៉ាងណាក៏ដោយ អត្រាមរណៈនៅតែខ្ពស់បំផុតនៅក្នុងតំបន់។ យើងធ្វើការនៅក្នុងខេត្តចំនួនបួននៅទាំងតំបន់ជនបទ និងទីក្រុង នៅមណ្ឌលសុខភាពជាង ៣០ មណ្ឌល និងជាមួយសម្ភពជាង ៩០ នាក់ និងអ្នកជំនាញផ្នែកថែទាំសុខភាពចំនួន ៥០នាក់ ។ ដូច្នេះ យើងអាចជួយដល់ប្រជាជនរាប់ពាន់នាក់។ យើងផ្តល់ជូនឆ្មប និងបុគ្គលិកថែទាំសុខភាពជាមួយនឹងការបណ្តុះបណ្តាលប្រកបដោយគុណភាព។ យើងក៏បានដាក់ដំណើរការផងដែរកម្មវិធីច្នៃប្រឌិតមួយដោយប្រើបច្ចេកវិទ្យាទូរស័ព្ទ។ ម្តាយដែលបានចុះឈ្មោះនៅក្នុងប្រព័ន្ធនឹងទទួលបានសារជាសំឡេងជាមួយនឹងព័ត៌មានអំពីការថែទាំទារកជាប្រចាំ។

ជាមួយនឹងជំងឺរាតត្បាត កូវីដ-19 ដែលមិនធ្លាប់មានពីមុនមក យើងគាំទ្រសហគមន៍ជនបទក្នុងរាជធានីភ្នំពេញ តាមរយៈយុទ្ធនាការលើកកម្ពស់ការយល់ដឹងអំពីសុវត្ថិភាពប្រឆាំងនឹង កូវីដ-១៩ ការស្តារសេដ្ឋកិច្ចសម្រាប់អាជីវកម្មខ្នាតតូចតាមរយៈចំណេះដឹងផ្នែកហិរញ្ញវត្ថុ និងលទ្ធភាពទទួលបានហិរញ្ញប្បទាន ព្រមទាំងផ្តល់ឱកាសការងារ និងធានាសុវត្ថិភាពសហគមន៍ពីអំពើហិង្សាក្នុងអំឡុងពេលដ៏លំបាកនេះ។

ការគ្រប់គ្រងហានិភ័យគ្រោះមហន្តរាយ

យើងបាននឹងកំពុងកសាងភាពធន់របស់សហគមន៍មូលដ្ឋាន ដើម្បីជួយដោះស្រាយបញ្ហាគ្រោះមហន្តរាយ និងជួយគាំទ្រនៅពេលដែលពួកគាត់រងផលប៉ះពាល់ដោយសារគ្រោះមហន្តរាយ។ ក្នុងការសហការជាមួយអង្គការក្នុងស្រុក សហគ្រិន និងរដ្ឋាភិបាល យើងបានបង្កើតប្រព័ន្ធប្រកាសឱ្យដឹងមុន ដែលផ្តល់ព័ត៌មានជាមុនអំពីគ្រោះមហន្តរាយដែលនឹងកើតឡើងនាពេលខាងមុខ។

លើសពីនេះ យើងក៏ចូលរួមក្នុងការបង្កើតផែនការគ្រប់គ្រងវិបត្តិ ដើម្បីកាត់បន្ថយផលប៉ះពាល់នៃគ្រោះមហន្តរាយនាពេលអនាគត និងដើម្បីជួយប្រទេសទប់ទល់នឹងការប្រែប្រួលអាកាសធាតុពិភពលោក។ នៅក្នុងឆ្នាំ ២០១១ និង ២០១៣ យើងបានផ្តល់ការឆ្លើយតប បន្ទាន់សម្រាប់ប្រជាជនដែលរងផលប៉ះពាល់ដោយទឹកជំនន់ ខណៈដែលនៅឆ្នាំ ២០១៧ យើងបានជួយប្រជាជនឱ្យយកឈ្នះលើផលវិបាកនៃគ្រោះរាំងស្ងួត។

ប្រព័ន្ធប្រកាសឱ្យដឹងមុន នឹងបន្តនូវការអនុវត្តវិធីសាស្រ្តប្រកបដោយភាពច្នៃប្រឌិតនៅក្នុងប្រទេសកម្ពុជា។ ប្រព័ន្ធប្រកាសឱ្យដឹងមុន នឹងបន្តពង្រីកមុខងាររបស់ខ្លួនឱ្យកាន់តែងាយស្រួលសម្រាប់សហគមន៍ទាំងអស់ទូទាំងប្រទេសក្នុងប្រទេសកម្ពុជា។

អត្ថបទទាំងអស់ អត្ថបទតិច

សកម្មភាពដែលកំពុងដំណើរការឬសកម្មភាពកន្លងមក

Enhancing Integrated Water Management and Climate Resilience in Vulnerable Urban Areas of the Mekong River Basin

ទីតាំង ខេត្តស្ទឹងត្រែង, ក្រុងក្រចេះ
ពេល ពីឆ្នាំ 2022 ដល់ឆ្នាំ 2025
ម្ចាស់ជំនួយ UNDP Cambodia

សកម្មភាពនេះបង្កើតឡើងដោយឈរលើបទពិសោធន៍ដែលមានស្រាប់របស់ អង្គការ PIN ទាក់ទងនឹងកម្មវិធីគ្រប់គ្រងគ្រោះមហន្តរាយនៅក្នុងប្រទេសកម្ពុជា និងមេរៀនដែលបានដកពិសោធន៍ពីគម្រោងដែលកំពុងបន្ត និងអនុវត្តចប់នាពេលកន្លងមក ដែលរួមមានដូចជា គម្រោង EWS ទីមួយ ដែលតម្រូវទៅតាមបរិស្ថានទីប្រជុំជន (ក្រុងបាត់ដំបង)។ ស្របតាមកម្មវិធីអាទិភាពរបស់អង្គការ UNDP អង្គការ PIN នឹងជួយសម្រួលដល់ការគ្រប់គ្រងធនធានទឹករួមបញ្ចូលគ្នានៅក្នុងខេត្តគោលដៅចំនួន 2 គឺខេត្តក្រចេះ និងស្ទឹងត្រែង។ សកម្មភាពនេះបង្កើតការត្រៀមលក្ខណៈនៅក្នុងសហគមន៍ដែលមានបរិយាបន្ន និងសកម្មភាពដំបូង ព្រមទាំងកំណត់មូលដ្ឋានសម្រាប់ប្រព័ន្ធ EWS ឆ្លងដែននៅតាមតំបន់ព្រំដែន
កម្ពុជា-ឡាវ។

អត្ថបទទាំងអស់

Strengthening the reach of Cambodia’s flood early warning system through an innovative dissemination channel

ទីតាំង បាត់ដំបង, ខេត្តបន្ទាយមានជ័យ, ព្រះវិហា, ខេត្តឧត្ដរមានជ័យ
ពេល ពីឆ្នាំ 2023 ដល់ឆ្នាំ 2023
ម្ចាស់ជំនួយ USAID

គោលបំណងរួមរបស់គម្រោង គឺបង្កើនភាពធន់របស់សហគមន៍កម្ពុជាក្នុងការទប់ទល់នឹងហានិភ័យគ្រោះមហន្តរាយ។ ដោយឡែក គោលបំណងជាក់លាក់របស់គម្រោងនេះ គឺបង្កើនវិសាលភាពផ្សព្វផ្សាយរបស់ប្រព័ន្ធប្រកាសឱ្យដឹងមុនរបស់ប្រទេសកម្ពុជា តាមរយៈការបង្កើតបណ្តាញផ្សព្វផ្សាយប្រកបដោយនវានុវត្តន៍មួយ ហៅថា ការផ្សាយសារ SMS។
អង្គការ PIN ស្នើបង្កើត ធ្វើតេស្ត និងអនុវត្តសាកល្បងនូវនវានុវត្តន៍ថ្មីនេះនៅក្នុងខេត្តគោលដៅចំនួន 4 ដែលរងផលប៉ះពាល់ខ្លាំងពីហានិភ័យទឹកជំនន់ និងដែលពាក់ព័ន្ធពិសេសទៅនឹងប្រព័ន្ធ EWS1294។ ឧបករណ៍ផ្សព្វផ្សាយថ្មីនេះ នឹងបង្កើនវិសាលភាពទូលំទូលាយនៃការផ្សព្វផ្សាយទៅដល់នៃប្រព័ន្ធ EWS1294 នៅក្នុងតំបន់គោលដៅ។ ប្រសិនបើគម្រោងសាកល្បងនេះទទួលបានជោគជ័យនៅឆ្នាំ2023 ដូចដែលបានបង្ហាញដោយការធ្វើតេស្តម៉ត់ចត់ និងការចងក្រងទិន្នន័យនៃលទ្ធផល អង្គការ PIN នឹងពង្រីកទម្រង់នៃការផ្សាយសារ SMS ទៅកាន់ទូទាំងប្រទេសនៅឆ្នាំ2024 ស្របទៅតាមផែនទីចង្អុលផ្លូវសម្រាប់ការពង្រីកទៅថ្នាក់ជាតិ។

អត្ថបទទាំងអស់

Improving participation, accountability and inclusion of the Early Warning-Early Action value chain in Cambodia

ទីតាំង Cambodia
ពេល ពីឆ្នាំ 2022 ដល់ឆ្នាំ 2024
ម្ចាស់ជំនួយ UNDRR, CREWS

អង្គការ PIN គ្រោងនឹងបង្កើត និងដាក់ឱ្យដំណើរការនូវបណ្តាញទំនាក់ទំនង2ផ្លូវសម្រាប់ EWS1294 ដើម្បីពង្រឹងការចូលរួមរបស់សហគមន៍ក្នុងការគ្រប់គ្រងគ្រោះមហន្តរាយ និងគណនេយ្យភាពចំពោះប្រជាជនដែលរងផលប៉ះពាល់។ នវានុវត្តន៍នេះនឹងអនុញ្ញាតឱ្យ អង្គការ PIN និងដៃគូជាតិអាចស្តាប់ និងធ្វើសកម្មភាពឆ្លើយតបទៅតាមតម្រូវការរបស់ប្រជាជន ដំណោះស្រាយដែលបានស្នើ មតិត្រឡប់ និងពាក្យបណ្តឹង ហើយប្រជាជនទទួលបានជំនួយឱ្យបញ្ចេញមតិយោបល់ និងប្រឈមមុខនឹងវិសមភាពយេនឌ័រ ដោយបង្កើតនូវផែនការសកម្មភាពយេនឌ័រដើម្បីដឹកនាំការអនុវត្តគម្រោង។ ការបញ្ចូលព័ត៌មាននិងចំណេះដឹងពីហានិភ័យក្នុងតំបន់/សហគមន៍ទៅក្នុង EWS1294 នឹងធ្វើឱ្យមានប្រព័ន្ធមានលក្ខណៈចូលរួមកាន់តែច្រើនថែមទៀត។

អត្ថបទទាំងអស់

ការផ្សាយប្រព័ន្ទប្រកាសឱ្យដឹងមុន១២៩៤ តាមសារ SMS

ទីតាំង គ្រប់ខេត្តក្នុងប្រទេសកម្ពុជា
ពេល ពីឆ្នាំ 2022 ដល់ឆ្នាំ 2023

កិច្ចព្រមព្រៀងឧបត្ថម្ភមួយត្រូវបានចុះហត្ថលេខារវាងអង្គការ PIN និងក្រុមហ៊ុនទូរគមនាគមន៍ Smart Axiata ដើម្បីបង្កើនវិសាលភាពផ្សាយនៃសារជូនដំណឹងពីប្រព័ន្ធ EWS1294 ទៅដល់ប្រជាជនកម្ពុជា។ ជាផ្នែកនៃកិច្ចសហការនេះ ការផ្សាយសារ SMS ពីប្រព័ន្ធ EWS1294 នឹងត្រូវបានបង្កើតឡើង ហើយនឹងអនុញ្ញាតឱ្យអ្នកប្រើប្រាស់ស៊ីមកាត Smart ទាំងអស់នៅក្នុងតំបន់ដែលមានហានិភ័យ ទទួលបានការជូនដំណឹងអំពីទឹកជំនន់ពីប្រព័ន្ធ EWS1294។ លើសពីគំរូនៃការជាវ (subscription model) ដែលទាមទារដោយប្រព័ន្ធ IVR បច្ចុប្បន្ន ការផ្សាយសារ SMS នឹងបង្កើនវិសាលភាពនៃការជូនដំណឹងយ៉ាងខ្លាំង ដែលអនុញ្ញាតឱ្យអ្នកប្រើប្រាស់ស៊ីមកាតឆ្លាតវៃមួយចំនួនក្នុងចំណោម 8លាននាក់នៅក្នុងតំបន់ដែលងាយរងគ្រោះដោយទឹកជំនន់ ទទួលបានការជូនដំណឹងពី EWS1294 ក្នុងទម្រង់ជា SMS។

អត្ថបទទាំងអស់

ពង្រឹងភាពធន់របស់ប្រជាជន និងការកសាងប្រព័ន្ធប្រកាសឱ្យដឹងមុននៅកម្ពុជា

ទីតាំង គ្រប់ខេត្តក្នុងប្រទេសកម្ពុជា និងជាពិសេសក្នុងខេត្តព្រៃវែង កណ្តាល និងពោធិ៍សាត់
ពេល ពីឆ្នាំ 2022 ដល់ឆ្នាំ 2022
ម្ចាស់ជំនួយ USAID, Czech Development Agency

គោលបំណងនៃគម្រោងនេះ គឺរួមចំណែកកសាងភាពធន់ទូទៅរបស់សហគមន៍កម្ពុជាចំពោះគ្រោះមហន្តរាយនានា ដោយធានានូវការប្រគល់ប្រព័ន្ធ EWS1294 ប្រកបដោយប្រសិទ្ធភាព និងចីរភាព ទៅឱ្យរាជរដ្ឋាភិបាលកម្ពុជា។ EWS1294 គឺជាប្រព័ន្ធប្រកាសឱ្យដឹងមុនថ្នាក់ជាតិរបស់ប្រទេសកម្ពុជា ដែលប្រតិបត្តិការនៅក្នុងប្រទេសទាំងមូល និងផ្សព្វផ្សាយការជូនដំណឹងដែលអាចជួយសង្គ្រោះអាយុជីវិតមនុស្ស ទាក់ទងនឹងទឹកជំនន់ និងហានិភ័យផ្សេងៗពាក់ព័ន្ធនឹងអាកាសធាតុ និងជំងឺរាតត្បាត។ គម្រោងនេះផ្អែកលើសមិទ្ធផលរបស់គម្រោងពីរមុនចំនួន 2 ដែលគាំទ្រមូលនិធិដោយក្រសួងការបរទេសសាធារណរដ្ឋឆែក និងមានបំណងកាត់បន្ថយចំណុចខ្វះខាតដែលបានរកឃើញ ដើម្បីធានានិរន្តរភាពរបស់ប្រព័ន្ធ EWS1294 នៅក្នុងដៃរបស់គណៈកម្មាធិការជាតិគ្រប់គ្រងគ្រោះមហន្តរាយ (NCDM)។
ដំណាក់កាលទីបីនៃអន្តរាគមន៍ដែលគាំទ្រមូលនិធិដោយ MFA នេះ មានគោលបំណងដូចតទៅ៖

ពង្រឹងនិរន្តរភាពនៃការប្រគល់ប្រព័ន្ធ EWS1294 ទៅឱ្យរាជរដ្ឋាភិបាលកម្ពុជា តាមរយៈការកសាងសមត្ថភាពរបស់គណៈកម្មាធិការជាតិគ្រប់គ្រងគ្រោះមហាន្តរាយខេត្ត លើការថែទាំជាមូលដ្ឋានសម្រាប់ Tepmacha sensors។
ធ្វើលទ្ធកម្មទិញឧបករណ៍សិនស័រ (sensors) ថ្មីឱ្យគណៈកម្មាធិការជាតិគ្រប់គ្រងគ្រោះមហាន្តរាយ។
ថែទាំឧបករណ៍សិនស័រ (sensors) ដែលលែងសកម្មដើម្បីធានាដំណើរការត្រឹមត្រូវរបស់ប្រព័ន្ធ និងធ្វើនវានុវត្តន៍ដើម្បីកែលម្អប្រតិបត្តិការរបស់ឧបករណ៍សិនស័រ (sensors) នៅតាមតំបន់នានាដែលមានសេវាតភ្ជាប់ទូរសព្ទដៃកម្រិតទាប។
ធានាលទ្ធភាពអាចប្រើប្រាស់បានយូរអង្វែង និងសន្តិសុខនៃ dashboard ផ្សព្វផ្សាយព័ត៌មាន ដែលស្ថិតនៅក្នុងដៃរបស់គណៈកម្មាធិការជាតិគ្រប់គ្រងគ្រោះមហាន្តរាយ និងគណៈកម្មាធិការជាតិគ្រប់គ្រងគ្រោះមហាន្តរាយខេត្ត។
ពង្រឹងការត្រៀមលក្ខណៈសង្គ្រោះបន្ទាន់ និងសមត្ថភាពឆ្លើយតបជាមួយនឹងគណៈកម្មាធិការគ្រប់គ្រងគ្រោះមហន្តរាយថ្នាក់ក្រោមជាតិ នៅខេត្តព្រៃវែង កណ្ដាល និងពោធិ៍សាត់។

អត្ថបទទាំងអស់

ពង្រឹងព័ត៌មានអាកាសធាតុ និងប្រពន្ធ័ប្រកាសឱ្យដឹងមុននៅកម្ពុជា ដើម្បីគាំទ្រដល់ការអភិវឌ្ឍឱ្យមានភាពធន់នឹងការប្រែប្រួលអាកាសធាតុ និងការបន្សុំាទៅនឹងការប្រែប្រួលអាកាសធាតុ

ទីតាំង បាត់ដំបង
ពេល ពីឆ្នាំ 2020 ដល់ឆ្នាំ 2022
ម្ចាស់ជំនួយ UNDP Cambodia, Ministry of Foreign Affairs - Sweden, European Union in Cambodia

គោលបំណងសំខាន់នៃគម្រោងនេះគឺដើម្បីដោះស្រាយបញ្ហាប្រឈមក្នុងការកាត់បន្ថយទឹកជំនន់ ដោយបង្កើតអនុសាសន៍ផ្អែកលើភស្តុតាងសម្រាប់រាជរដ្ឋាភិបាលកម្ពុជា និងកាត់បន្ថយភាពងាយរងគ្រោះនៃប្រជាជនចំពោះផលប៉ះពាល់នៃការប្រែប្រួលអាកាសធាតុតាមរយៈប្រព័ន្ធប្រកាសឱ្យដឹងមុនក្នុងទីក្រុងប្រកបដោយភាពច្នៃប្រឌិត និងមានប្រសិទ្ធភាព។

ឧបសគ្គទូទៅសម្រាប់ការកាត់បន្ថយហានិភ័យគ្រោះមហន្តរាយទឹកជំនន់ក្នុងទីក្រុង (DRR) និងការបន្សាំទៅនឹងការប្រែប្រួលអាកាសធាតុ (CCA) គម្រោងក្នុងតំបន់កំពុងអភិវឌ្ឍគឺកង្វះទិន្នន័យសណ្ឋានដីដែលមានគុណភាពប្រសិនបើគ្មានប្រព័ន្ធប្រកាសឱ្យដឹងមុន គឺមានផលពិបាកក្នុងការទស្សន៍ទាយតាមបែបវិទ្យាសាស្ត្រអំពីការចែកចាយលំហនៃផលប៉ះពាល់ដែលបង្កឡើងដោយគ្រោះថ្នាក់ធម្មជាតិ។ ការរីកចម្រើននៃ Digital Elevation Models (DEMs) បានអនុញ្ញាតឱ្យមានការអនុវត្តយ៉ាងទូលំទូលាយនៃគំរូគ្រោះមហន្តរាយ ការអនុញ្ញាតឱ្យអ្នកប្រើប្រាស់ធ្វើតាមភូមិសាស្ត្រដែលមានគ្រោះ មហន្តរាយ។ ឧបករណ៍គ្រប់គ្រងគ្រោះមហន្តរាយដ៏មានឥទ្ធិពលនេះផ្តល់សិទ្ធិដល់អាជ្ញាធរមូលដ្ឋានក្នុងការទស្សន៍ទាយ ពីភាពប្រែប្រួលនៃទំហំនៃផល ប៉ះពាល់ដែលបង្កឡើងក្នុងអំឡុងពេលព្រឹត្តិការណ៍ទាំងនេះ ផលិតលទ្ធផល ដើម្បីផ្តល់ព័ត៌មាននិងភស្តុតាង ដើម្បីកាត់បន្ថយ ហានិភ័យគ្រោះមហន្តរាយ និងដើម្បីជូនដំណឹងអំពីផែនការទីក្រុង។

ស្របតាមអាទិភាពជាតិដែលបានផ្តល់នូវផែនការយុទ្ធសាស្ត្របម្រែបម្រួលអាកាសធាតុរបស់កម្ពុជាគម្រោងនេះមានគោលបំណងដោះស្រាយបញ្ហាប្រឈមកាត់បន្ថយទឹកជំនន់ ដោយបង្កើតអនុសាសន៍ផ្អែកលើភស្តុតាងសម្រាប់រាជរដ្ឋាភិបាលកម្ពុជា ជាមួយគណៈកម្មាធិការជាតិគ្រប់គ្រងគ្រោះមហន្តរាយ ដើម្បីកាត់បន្ថយ ភាពងាយរងគ្រោះនៃប្រជាជនក្នុងទីក្រុងចំពោះផលប៉ះពាល់នៃការបម្រែបម្រួលអាកាសធាតុ ដោយមានការជួយសម្រួលដល់ការភ្ជាប់ទៅកាន់់ ប្រព័ន្ធប្រកាសឱ្យ ដឹងមុនក្នុងទីក្រុងប្រកបដោយភាពច្នៃប្រឌិតនិងមានប្រសិទ្ធភាព។ ដើម្បីសម្រេចបានលទ្ធផលទាំងនេះ អង្គការភីនបានប្រើប្រាស់វិធីសាស្រ្តប្រកបដោយភាពច្នៃប្រឌិតក្នុងការប្រមូលទិន្នន័យកម្ពស់ទឹក ដើម្បីសម្រួលដល់ការប្រើប្រាស់គំរូទឹកជំនន់ក្នុងទីក្រុងបាត់ដំបង ក៏ដូចជាការស្វែងរកបណ្តាញទំនាក់ទំនងចុងក្រោយ បន្ថែមទៀតសម្រាប់ការអនុវត្តប្រព័ន្ធប្រកាសឱ្យដឹងមុនក្នុងទីក្រុងថ្មី។ ប្រព័ន្ធប្រកាសឱ្យដឹងមុន១២៩៤បច្ចុប្បន្នដំណើរការនៅទូទាំង២៥ខេត្តក្រុង និងមានសមត្ថភាព ផ្សព្វផ្សាយសារក្រើនរំលឹកដល់ប្រជាជនកម្ពុជារាប់សែននាក់ដែលកាត់បន្ថយភាពងាយរងគ្រោះចំពោះទឹកជំនន់ដែលផ្តោតជាចម្បងទៅលើប្រជាជននៅតាមជនបទ។

អត្ថបទទាំងអស់

ការឆ្លើយតបចម្រុះលើការបង្ការ និងការគាំទ្រចំពោះកូវីដ១៩សម្រាប់សគមន៍ងាយរងគ្រោះក្នុងរាជធានីភ្នំពេញ

ទីតាំង ទីក្រុងភ្នំពេញ
ពេល ពីឆ្នាំ 2020 ដល់ឆ្នាំ 2023
ម្ចាស់ជំនួយ European Union in Cambodia

គម្រោង “ការឆ្លើយតបចម្រុះលើការបង្ការ និងការគាំទ្រចំពោះកូវីដ១៩សម្រាប់សគមន៍ងាយរងគ្រោះក្នុងរាជធានីភ្នំពេញ” ដែលគាំទ្រមូលនិធិដោយសហភាពអឺរ៉ុប គឺជាគម្រោងរយៈពេល 36 ខែ ដែលគ្របដណ្ដប់លើវិស័យជាច្រើន ដូចជា WASH ការបង្ការអំពើហិង្សាពាក់ព័ន្ធនឹងយេនឌ័រ និងការការពារកុមារ មុខរបរនិងការគាំពារសង្គម សិទ្ធិលំនៅដ្ឋាន អក្ខរកម្មហិរញ្ញវត្ថុ បំណុលនិងការផ្សព្វផ្សាយការផ្លាស់ប្ដូរអាកប្បកិរិយា។
គម្រោងពហុវិស័យនេះមានគោលបំណងជួយដល់ប្រជាពលរដ្ឋដែលជួបការលំបាកផ្នែកសេដ្ឋកិច្ចជាង 20,000 នាក់ ដែលរស់នៅក្នុងតំបន់ក្រីក្រក្នុងទីក្រុងភ្នំពេញ តំណាងសហជីព 404 នាក់មកពីវិស័យក្រៅប្រព័ន្ធ, វិស័យកាត់ដេរនិងលក់រាយ ស្ត្រីជាង350នាក់នៅក្នុងសហគមន៍ក្រីក្រក្នុងទីក្រុង, កម្មករ 5,000នាក់ដែលទើបត្រូវបានបញ្ឈប់ការងារថ្មីៗ, ម្ចាស់អាជីវកម្មខ្នាតតូច 250នាក់ និងអាជ្ញាធរមូលដ្ឋាន និងភាគីពាក់ព័ន្ធឃុំចំនួន 275នាក់។ ជារួម គម្រោងនេះនឹងផ្តោតលើសហគមន៍ចំនួន 255 នៅក្នុងខណ្ឌទាំង14 នៃរាជធានីភ្នំពេញ។
គោលបំណងរួមនៃគម្រោងនេះ គឺរួមចំណែកដល់ការពង្រឹងការគាំពារសង្គម ការស្តារសេដ្ឋកិច្ច និងការសម្របខ្លួនទៅនឹងជំងឺកូវីដ-19 សម្រាប់សហគមន៍ប្រជុំជនក្រីក្រក្នុងរាជធានីភ្នំពេញ។
លទ្ធផលទី1នឹងត្រូវផ្តោតលើសហគមន៍ក្រីក្រក្នុងក្រុង ជាពិសេសស្ត្រី និងកុមារដែលងាយរងគ្រោះ ដែលនឹងមានលទ្ធភាពប្រសើរជាងមុនក្នុងការទទួលបានគ្រឿងបរិក្ខារ WASH ការគាំទ្រផ្នែកចិត្តសង្គម និងសេវាគាំពារសង្គម។

យុទ្ធនាការលើកកម្ពស់ការយល់ដឹងពីជំងឺកូវីដ-19 និងការសាងសង់កន្លែងលាងដៃ។ គាំទ្រដោយសកម្មភាពអប់រំសហគមន៍អំពីជំងឺកូវីដ-19 ព្រមទាំងការអនុវត្តអនាម័យត្រឹមត្រូវ និងវិធីសាស្រ្តបង្ការ។
គាំទ្រលទ្ធភាពទទួលសេវាពីកម្មវិធីគាំពារសង្គមនានាដែលមានស្រាប់ សម្រាប់សហគមន៍ដែលងាយរងគ្រោះ។
ផ្តល់ការគាំទ្រផ្នែកចិត្តសង្គម និងសេវាគាំពារសង្គមដល់ស្ត្រីនិងកុមារដែលមានហានិភ័យពីអំពើហិង្សាពាក់ព័ន្ធនឹងយេនឌ័រ។

លទ្ធផលទី2 នឹងត្រូវផ្តោតទៅលើការកែលម្អស្ថានភាពសេដ្ឋកិច្ចរបស់គ្រួសារកម្មករដែលត្រូវបានបញ្ឈប់ពីការងារនាពេលថ្មីៗ និងអាជីវកម្មខ្នាតតូចដែលមានហានិភ័យនៃការបិទទ្វារ។

គាំទ្រដល់កិច្ចប្រឹងប្រែងស្តារសេដ្ឋកិច្ចសម្រាប់កម្មករដែលត្រូវបានបញ្ឈប់ការងារពីវិស័យក្រៅប្រព័ន្ធ តាមរយៈការធ្វើពិពិធកម្មជំនាញរបស់ពួកគាត់ និងចូលរួមជាថ្មីទៅក្នុងទីផ្សារការងារ។
គាំទ្រអាជីវកម្មដែលរងផលប៉ះពាល់ពីជំងឺរាតត្បាត តាមរយៈការបណ្តុះបណ្តាលអក្ខរកម្មផ្នែក ហិរញ្ញវត្ថុ សេវាកម្មប្រឹក្សាយោបល់ និងការគាំទ្រលទ្ធភាពក្នុងការទទួលបានប្រាក់កម្ចីដោយយុត្តិធម៌។

អត្ថបទទាំងអស់

ប្រព័ន្ធប្រកាសឱ្យដឹងមុន១២៩៤

ទីតាំង ២៥ ខេត្ត ក្រុងក្នុងប្រទេសកម្ពុជា
ពេល ពីឆ្នាំ 2013 ដល់ឆ្នាំ 2022
ម្ចាស់ជំនួយ USAID, EU Humanitarian Aid, Swiss Agency for Development and Cooperation, UNDP Cambodia, WFP, USAID

ប្រព័ន្ធ EWS1294 បច្ចុប្បន្ន មានវិសាលភាពគ្របដណ្ដប់ពេញលេញទូទាំងប្រទេស និងដំណើរការដោយរដ្ឋបាលខេត្តនៅពេលណា ដែលពួកគាត់មានបំណងចង់ផ្សព្វផ្សាយសារជូនដំណឹងទៅប្រជាជន ហើយប្រព័ន្ធនេះ ត្រូវបានតភ្ជាប់គ្នាទៅនឹងគេហទំព័ររបស់គណៈកម្មាធិការជាតិគ្រប់គ្រងគ្រោះមហន្តរាយ (NCDM) ដែលទទួលស្គាល់ប្រព័ន្ធនេះជា EWS ថ្នាក់ជាតិសម្រាប់ប្រទេសកម្ពុជា។
ក្រុមការងារគ្រប់គ្រងគ្រោះមហន្តរាយ (DM) របស់អង្គការ PIN Cambodia បន្តស្វែងរកវិធីនានាប្រកបដោយនវានុវត្តន៍ដើម្បីអភិវឌ្ឍប្រព័ន្ធនេះ ថ្មីៗនេះ តាមរយៈការអនុវត្តពិធីការជូនដំណឹងទូទៅ (CAP) ដែលជាស្តង់ដារអន្តរជាតិសម្រាប់ការផ្សព្វផ្សាយសារឱ្យដឹងមុន។ វិធីសាស្រ្តនេះគឺជាជំហានដំបូងក្នុងការផ្លាស់ប្តូរប្រព័ន្ធឆ្ពោះទៅរកការផ្សព្វផ្សាយពហុវេទិកា ហើយត្រូវបានអនុវត្តតាមយ៉ាងឆាប់រហ័សដោយបង្កើតទំព័រ Facebook EWS1294។ ប្រមូលអ្នកតាមដាន 110,000 នាក់ក្នុងរយៈពេល 5 ខែ។ ក្រុមបច្ចេកវិទ្យារបស់ អង្គការ PIN គ្រោងនឹងប្រើប្រាស់វត្តមានប្រព័ន្ធផ្សព្វផ្សាយសង្គមនេះ ដើម្បីអនុញ្ញាតឱ្យមានការផ្សព្វផ្សាយសារប្រាប់ឱ្យដឹងមុន តាមរយៈកម្មវិធីផ្ញើសារ Facebook ដែលកម្មវិធី Chatbots ត្រូវបានបង្កើតឡើង និងកំពុងរង់ចាំការយល់ព្រម។
តាមរយៈការគាំទ្រសំខាន់ៗពីម្ចាស់ជំនួយរបស់ខ្លួន; ដែលពីមុនរួមមាន អង្គការ UNDP អង្គការ SDC,ក្រសួងការបរទេសឆែក អង្គការ ECHO និង WFP បច្ចុប្បន្ន អង្គការ PIN មានបំណងចាប់ផ្តើមការចាកចេញពីគម្រោងប្រព័ន្ធ EWS1294 និងត្រៀមរៀបចំការប្រគល់ប្រព័ន្ធនេះទៅរដ្ឋាភិបាលថ្នាក់ជាតិ។
គម្រោងនេះមានគោលបំណងបង្កើនលទ្ធភាពនៃការប្រើប្រាស់ប្រព័ន្ធ EWS1294 ដោយអនុញ្ញាតឱ្យមានការផ្សព្វផ្សាយតាមបណ្ដាញផ្សព្វផ្សាយ និងការអភិវឌ្ឍបច្ចេកទេសបន្ថែមទៀត ធ្វើឱ្យប្រសើរឡើងនូវសមត្ថភាពរបស់គណៈកម្មាធិការជាតិគ្រប់គ្រងគ្រោះមហាន្តរាយដើម្បីធានាថា រាជរដ្ឋាភិបាលកម្ពុជាអាចដំណើរការ និងថែរក្សាប្រព័ន្ធ និងបញ្ចប់ការប្រគល់ប្រព័ន្ធ EWS1294 ទៅឱ្យគណៈកម្មាធិការជាតិគ្រប់គ្រងគ្រោះមហាន្តរាយជាស្ថាពរ។

អត្ថបទទាំងអស់