សង្គមសង្គមស៊ីវិល និងអភិបាលកិច្ចប្រកបដោយបរិយាបន្ន
អង្គការ ភីពផលអ៊ីននីត ចូលរួមនៅក្នុងសកម្មនៅក្នុងការលើកកម្ពស់ការអប់រំប្រកបដោយគុណភាព និងការទទួលបានការងារធ្វើនៅក្នុងប្រទេសកម្ពុជា។ យើងត្រូវទទួលស្គាល់នូវតួនាទីដ៏សំខាន់របស់ការអប់រំនៅក្នុងដំណើរការបរិវត្តកម្មរបស់ប្រទេសកំពុងអភិវឌ្ឍ។ ការអប់រំមិនត្រឹមតែធ្វើឱ្យប្រសើរឡើងនូវឱកាសទទួលបានការងារ ដែលកាត់បន្ថយហានិភ័យនៃភាពក្រីក្រ គ្រោះអត់ឃ្លាន និងជំងឺប៉ុណ្ណោះនោះទេ ប៉ុន្តែក៏បង្កើនសក្ដានុពលរបស់បុរស និងស្ត្រីក្នុងការប្រយុទ្ធប្រឆាំងនឹងការរើសអើងផងដែរ។ ការអប់រំជំរុញទឹកចិត្តដល់បុរស និងស្ត្រីឱ្យចូលរួមកាន់តែសកម្មថែមទៀតនៅក្នុងជីវភាពសាធារណៈ និងការលើកកម្ពស់ផលប្រយោជន៍របស់ពួកគាត់នៅក្នុងសង្គម។ យើងក៏ជឿជាក់ផងដែរថានៅតំបន់នានាដែលរងគ្រោះដោយសារតែជម្លោះប្រដាប់អាវុធ ការរៀនសូត្រនាំមកនូវសណ្ដាប់ធ្នាប់ និងសុភមង្គលដល់ជីវិតរស់នៅរបស់កុមារ។
កម្មវិធីអប់រំរបស់យើងមានគោលបំណងផ្ដល់នូវការអប់រំថ្នាក់បឋមដែលមានគុណភាពដល់យុវជនវ័យក្មេងគ្រប់រូប ដោយមិនគិតពីដើមកំណើត ជំនឿសាសនា យេនឌ័រ ឬស្ថានភាពវេជ្ជសាស្ត្ររបស់ពួកគាត់ឡើយ។
យើងក៏ជួយលើវិស័យការងាររបស់យុវជនផងដែរ។ តាមរយៈការអប់រំនិងបណ្ដុះបណ្ដាលវិជ្ជាជីវៈលើជំនាញសហគ្រិនភាពនិងជំនាញផ្សេងៗទៀត យើងជួយពួកគាត់នៅក្នុងការបង្កើតមុខរបរអាជីវកម្ម ឬការស្វែងរកការងារធ្វើ។ តាមរយៈកម្មវិធីអប់រំរបស់យើង យើងក៏លើកទឹកចិត្តដល់យុវជនវ័យក្មេងឱ្យចូលរួមសកម្មនៅក្នុងជីវភាពសាធារណៈដែលនៅជុំវិញពួកគាត់ និងជួយពួកគាត់ឆ្ពោះទៅរកការបង្កើតសង្គមប្រជាធិបតេយ្យប្រកបដោយការទទួលខុសត្រូវមួយផងដែរ។
ការអប់ រំនិងការអភិវឌ្ឍជំនាញត្រូវតែផ្ដល់ដល់មនុស្សគ្រប់គ្នា។ នៅក្រោមកម្មវិធីរបស់យើង យើងគាំទ្រដល់ជនមានពិការភាពឱ្យអាចទទួលបានឱកាសការងារយុត្តិធម៌និងស្មើភាពគ្នា។ ជាងនេះទៅទៀត យើងកំពុងធ្វើការយ៉ាងជិតស្និទ្ធជាមួយនិយោជកដើម្បីអប់រំពួកគាត់អំពីគោលការណ៍ឱកាសស្មើភាពគ្នានៅទីកន្លែងធ្វើការសម្រាប់ជនមានពិការភាព។
សកម្មភាពដែលកំពុងដំណើរការឬសកម្មភាពកន្លងមក
ការបញ្រ្ជាបវារីប្បកម្មក្នុងវិស័យអប់រំបណ្ដុះបណ្ដាលវិជ្ជាជីវៈកម្ពុជា
គម្រោង ការអភិវឌ្ឍខ្សែចង្វាក់ផលិតកម្មមាន់ស្រែ ដើម្បីចូលរួមលើកកំពស់ជីវភាពសហគមន៍
គម្រោងនេះ អនុវត្តយុទ្ធសាស្ត្រអភិវឌ្ឍប្រព័ន្ធទីផ្សារសំដៅលើកកម្ពស់មុខងាររួមនៃខ្សែចង្វាក់តម្លៃសត្វបក្សីនៅតាមតំបន់គោលដៅ។ គោលដៅចម្បង រួមមាន ការពង្រីកឱកាសសេដ្ឋកិច្ចប្រកបដោយសមធម៌ និងចីរភាពសម្រាប់សហគមន៍ដោយជំរុញដំណោះស្រាយបរិស្ថានមេត្រីភាព និងលើកកម្ពស់ភាពធន់នឹងអាកាសធាតុរបស់សហគមន៍។
គម្រោងនេះត្រូវបានអនុវត្តនៅក្នុងស្រុកប្រាសាទបល្ល័ង្គ ស្រុកសណ្ដាន់ ស្រុកប្រាសាទសម្បូរ និងស្រុកសន្ទុកនៃខេត្តកំពង់ធំ។
ការរៀបចំគម្រោងនេះធ្វើឡើងដោយផ្អែកតាមគំរូមួយ ដែលត្រូវបានសាកល្បងយ៉ាងទូលំទូលាយនៅក្នុងគម្រោង 3 ដែលទទួលមូលនិធិពីសហភាពអឺរ៉ុប ដែលផ្ដោតគោលដៅលើការអភិវឌ្ឍអនុវិស័យសត្វបក្សី និងដែលបង្កើតបាននូវផលប៉ះពាល់វិជ្ជមានដ៏ស៊ីជម្រៅនៅក្នុងខេត្តគោលដៅចំនួន 6 ខេត្ត។
ដើម្បីសម្រេចបានការផ្លាស់ប្ដូរប្រកបដោយចីរភាព សកម្មភាពនេះដោះស្រាយបញ្ហានានានៅតាមដំណាក់កាលខុសៗគ្នានៃខ្សែចង្វាក់តម្លៃ ដោយរាប់ចាប់ពីការផ្គត់ផ្គង់ធាតុចូលរហូតដល់ហិរញ្ញវត្ថុ និងលទ្ធភាពចូលទៅដល់ទីផ្សារ។ សកម្មភាពនានាស្វះស្វែងពង្រឹងកិច្ចសម្របសម្រួលក្នុងចំណោមតួអង្គខ្សែចង្វាក់តម្លៃខុសៗគ្នា និងបង្កើតទំនាក់ទំនងទីផ្សារថ្មីៗសម្រាប់អ្នកផលិតសត្វបក្សីដើម្បីលក់សត្វបក្សីរបស់ពួកគាត់។ សមត្ថភាពរបស់បុគ្គលិកសុខភាពសត្វភូមិ (VAHW)/គ្រូបង្គោលកសិករក្នុងការផ្ដល់សេវាកម្មប្រពលវប្បកម្ម ត្រូវបានលើកកម្ពស់កាន់តែប្រសើរឡើង។ ដើម្បីធានានិរន្តរភាពនៃគំរូនេះ សកម្មភាពគម្រោងលើកទឹកចិត្តអ្នកផលិតសត្វបក្សីឱ្យបង់ថ្លៃសេវាតិចតួច (ដោយស្ម័គ្រចិត្ត) សម្រាប់ការប្រើប្រាស់សេវាប្រពលវប្បកម្ម។ ដោយសារតែការប្រកាន់ខ្ជាប់នូវអាកប្បកិរិយាវិជ្ជមាននៅក្នុងផលិតកម្មសត្វបក្សីតែងតែមានការលំបាក អង្គការ PIN បានប្រើប្រាស់ជំនាញដ៏ទូលំទូលាយរបស់ខ្លួននៅក្នុងការស្រាវជ្រាវស្ដីពីការផ្លាស់ប្ដូរអាកប្បកិរិយាសង្គមដើម្បីកំណត់រកកត្តារារាំងនិងកត្តាជំរុញនៃការអនុវត្តវិជ្ជមាន និងដោះស្រាយកត្តាទាំងនោះប្រកបដោយប្រសិទ្ធភាព។ អន្តរាគមន៍ទូទៅចាប់ផ្ដើមជាមួយនឹងការវិភាគបឋមពីទីផ្សារដោយគិតគូរពីអាកាសធាតុ ដែលបន្ទាប់មកត្រូវបានរួមបញ្ចូលគ្នាដោយការវិភាគខ្សែចង្វាក់តម្លៃបែបចូលរួម ដែលដឹកនាំផ្ទាល់ដោយអ្នកផលិតសត្វបក្សី ដើម្បីដោះស្រាយបញ្ហាកង្វះលទ្ធភាពរបស់អ្នកផលិតក្នុងការទទួលបានព័ត៌មានទីផ្សារនិងចំណេះដឹងពីតួអង្គនានានៅក្នុងប្រព័ន្ធទីផ្សារ។ កិច្ចអន្តរាគមន៍ក្រោយមកទៀត ក៏រួមចំណែកដល់ការបង្កើតភាពជាដៃគូអាជីវកម្មថ្មីៗជាមួយនឹងអ្នកទិញសត្វបក្សី ផងដែរ។ លទ្ធភាពទទួលបានហិរញ្ញវត្ថុត្រូវបានផ្ដល់ជាជម្រើសមួយ តាមរយៈការបង្កើតទំនាក់ទំនងកម្រិតស្មើគ្នារវាង PG និងអ្នកផ្ដល់ហិរញ្ញវត្ថុ ព្រមទាំងតាមរយៈការគាំទ្រដល់ក្រុម ACs/ក្រុមអេកូទេសចរណ៍ដែលចាប់អារម្មណ៍និងមានសមត្ថភាព នៅក្នុងការបង្កើតជាមូលនិធិបង្វិលសម្រាប់សមាជិកដើម្បីចាប់ផ្ដើម/ពង្រីកផលិតកម្មសត្វបក្សី។ និរន្តរភាពផ្នែកសេដ្ឋកិច្ចត្រូវបានធានាតាមរយៈការបង្កើនចំណូលរបស់អ្នកផលិត និងតាមរយៈការជំរុញការលើកទឹកចិត្តផ្នែកសេដ្ឋកិច្ចដល់តួអង្គខ្សែចង្វាក់តម្លៃដទៃទៀត ឱ្យចូលរួមជាមួយអ្នកផលិតសត្វបក្សី។ ជាលទ្ធផលនៃការអនុវត្តគម្រោងនេះ ចំណូល(ប្រចាំខែ)ដែលអាចរកបានក្នុងចំណោមសមាជិកក្រុមអ្នកផលិត នឹងរកបានជាមធ្យមចន្លោះពី 100 ទៅ 150 ដុល្លារអាមេរិក។ ចំណូលសរុបប្រចាំឆ្នាំដែលរកបានដោយក្រុមអ្នកផលិត (ដែលមានសមាជិកសរុបជិត 300 នាក់) អាចកើនឡើងដល់ទៅ 360,000 ដុល្លារអាមេរិក។
ដំណើរឆ្ពោះទៅរកបរិយាបន្នការងារសម្រាប់ជនមានពិការភាព
គម្រោងនេះនឹងលើកកម្ពស់ការអប់រំប្រកបដោយបរិយាបន្នដោយផ្ដោតលើការផ្ដល់ការគាំទ្របច្ចេកទេស សម្រាប់ការអភិវឌ្ឍគោលការណ៍ណែនាំស្ដីពីការអប់រំ និងបណ្ដុះបណ្ដាលគ្រូបង្គោលប្រកបដោយ
បរិយាបន្ន ព្រមទាំងជំនួយបច្ចេកទេសផងដែរ។ ការកែសម្រួលឧបករណ៍របស់មជ្ឈមណ្ឌល TVET ដើម្បីជួយសម្រួលដល់ការទទួលបានការបណ្ដុះបណ្ដាលសម្រាប់ជនមានពិការភាព។ ជាងនេះទៅទៀត គម្រោងនេះក៏នឹងផ្ដល់ការបណ្ដុះបណ្ដាលរួមជាមួយនឹងការគាំទ្របច្ចេកទេសអំពីសហគ្រិនភាព និងផ្ដល់ឱកាសចូលរួមនៅក្នុងកម្មវិធីភ្ញាស់អាជីវកម្មសម្រាប់ជនមានពិការភាព។
គម្រោងភាពជាដៃគូសម្រាប់ការអភិវឌ្ឍជំនាញ និងការងារ
បរិវត្តកម្មសេដ្ឋកិច្ចដែលកំពុងកើតឡើងបានចូលរួមចំណែកកាត់បន្ថយកាន់តែច្រើនថែមទៀតនូវចំនួនយុវជនដែលធ្វើការងារនៅក្នុងវិស័យកសិកម្ម ដោយធ្លាក់មកនៅត្រឹមអត្រា 47.1% នៅក្នុងឆ្នាំ2014
ខណៈដែលនៅឆ្នាំ1998 ចំណែកនៃយុវជនដែលធ្វើការងារនៅក្នុងវិស័យកសិកម្ម គឺមានដល់ទៅប្រមាណ 83.5% ឯណោះ។ និន្នាការនេះមានផលប៉ះពាល់ចុងក្រោយបំផុតទៅលើសកម្មភាពនានាដែលទាក់ទងនឹងកសិកម្ម ដូចជា ការកែច្នៃផលិតផលកសិកម្ម។ កត្តាមួយក្នុងចំណោមកត្តាទាំងឡាយដែលធ្វើឱ្យស្ថានការណ៍នេះកាន់តែអាក្រក់ថែមទៀត គឺកម្មវិធីសិក្សាខ្សោយនិងមិនគ្រប់គ្រាន់ ដែលមិនស្របទៅនឹងនិន្នាការអភិវឌ្ឍន៍តំបន់។ កត្តាផ្សេងទៀត ដូចជា សមត្ថភាពនិងជំនាញនៅមានកម្រិតទាបរបស់គ្រូបច្ចេកទេស ឬទំនាក់ទំនងខ្សោយរវាងវិស័យឯកជននិងសាលាបច្ចេកទេស ក៏រួមចំណែកធ្វើឱ្យការអភិវឌ្ឍវិស័យកែច្នៃកសិកម្មមានភាពយឺតយ៉ាវ ផងដែរ។
គម្រោង PESD មានគោលបំណងបង្កើតនូវកម្មវិធីបច្ចេកទេសថ្មីមួយ (កែច្នៃកសិចំណីអាហារ) សម្រាប់សិស្សបច្ចេកទេសនៅវិទ្យាស្ថានជាតិវិជ្ជាជីវៈខេត្តបាត់ដំបង (NVIB) ដើម្បីលើកកម្ពស់ស្ថានភាពសេដ្ឋកិច្ចនិងការងារ ដោយពង្រឹងគុណភាពនៃការអប់រំបណ្ដុះបណ្ដាលបច្ចេកទេសនិងវិជ្ជាជីវៈកម្រិតមធ្យម និងកសាងភាពជាដៃគូរវាង NVIB និងវិស័យឯកជន។ ដំបូងឡើយ PESD ត្រូវបានរៀបចំគម្រោងឡើងដើម្បី៖ (1) កែលម្អគុណភាពកម្មវិធី TVET ដើម្បីឆ្លើយតបទៅនឹងតម្រូវការទីផ្សារជាតិនិងអន្តរជាតិ; (2) បង្កើនលទ្ធភាពប្រកបដោយសមធម៌ក្នុងការទទួលបានការអប់រំ TVET សម្រាប់លើកកម្ពស់ការបង្កើតការងារធ្វើ (3) ជំរុញភាពជាដៃគូវិស័យរដ្ឋ-ឯកជន (PPPs) រវាងវិទ្យាស្ថាននិងវិស័យឯកជន និងស្ថាប័នដៃគូពាក់ព័ន្ធ និង (4) កែលម្អអភិបាលកិច្ចប្រព័ន្ធ TVET។
គម្រោងនេះសំដៅបង្កលទ្ធភាពស្មើភាពគ្នាក្នុងការទទួលបានការអប់រំបច្ចេកទេសពាក់ព័ន្ធដើម្បីយុវជនអាចចាប់យកឱកាសការងារសមរម្យ និងជំរុញកំណើននៃវិស័យកែច្នៃកសិកម្មនៅកម្ពុជា។
គម្រោងជំរុញអន្តរកាលទៅក្នុងការងារសម្រាប់យុវជន
គម្រោងជំរុញអន្តរកាលទៅក្នុងការងារសម្រាប់យុវជន (FTE4Youth) គឺជាគម្រោងរយៈពេល3ឆ្នាំ (ឆ្នាំ2019-2021) ដែលអនុវត្តដោយ អង្គការ PIN នៅឯមជ្ឈមណ្ឌលបណ្ដុះបណ្ដាលខេត្តកំពង់ឆ្នាំង (PTC) ដោយមានការគាំទ្រមូលនិធិពីទីភ្នាក់ងារអភិវឌ្ឍន៍ឆែក។ គម្រោងនេះសំដៅលើកកម្ពស់សមត្ថភាពរបស់មជ្ឈមណ្ឌលបណ្ដុះបណ្ដាល (PTC) ខេត្តកំពង់ឆ្នាំង និងលទ្ធភាពអាចរកការងារបានរបស់យុវជន តាមរយៈ (1) ការកែលម្អគុណភាពនៃការអប់រំបច្ចេកទេសនិងវិជ្ជាជីវៈនៅឯមជ្ឈមណ្ឌលបណ្ដុះបណ្ដាល; (2) ធានាថាវគ្គបណ្ដុះបណ្ដាល បរិក្ខារ និងហេដ្ឋារចនាសម្ព័ន្ធឆ្លើយតបទៅតាមតម្រូវការនៃ
ទីផ្សារការងារ ដូច្នេះបង្កើនការចូលរួមរបស់យុវជននៅក្នុងកម្មវិធី TVET; (3) កសាងភាពជាដៃគូរដ្ឋ-ឯកជន (PPP) រវាងមជ្ឈមណ្ឌលបណ្ដុះបណ្ដាលខេត្ត និងក្រុមហ៊ុនឯកជន ដោយទន្ទឹមគ្នានេះដែរ ពង្រឹងការសម្របសម្រួលជាមួយទីភ្នាក់ងារនិងមន្ទីររដ្ឋាភិបាលផ្សេងទៀត; និង (4) បង្កើតឱកាសការងារសមរម្យសម្រាប់យុវជន និងលើកកម្ពស់សហគ្រិនភាពសម្រាប់សិស្សដែលបានបញ្ចប់ថ្នាក់ TVET។ គម្រោងនេះសំដៅដើម្បី៖
- ចូលរួមចំណែកសម្រេចបានការងារពេញលេញនិងប្រកបដោយផលិតភាព និងការងារសមរម្យ សម្រាប់ស្ត្រីនិងបុរសគ្រប់រូប ក្នុងនោះរាប់ទាំងយុវជនវ័យក្មេងនិងជនមានពិការភាព ព្រមទាំងប្រាក់ឈ្នួលស្មើភាពគ្នាសម្រាប់ការងារដែលមានតម្លៃស្មើគ្នា (SDG 8.5)
- ធានាថា យុវជនអាចទទួលបានជំនាញពាក់ព័ន្ធដែលត្រូវនឹងតម្រូវការរបស់វិស័យឯកជន និងដឹងពីឱកាសការងារសមរម្យដោយសារតែសមត្ថភាពអប់រំនិងគ្រប់គ្រងប្រសើរជាងមុនរបស់
មជ្ឈមណ្ឌលបណ្ដុះបណ្ដាលខេត្តកំពង់ឆ្នាំង ព្រមទាំងគំនិតផ្ដួចផ្ដើមលើកកម្ពស់ការងារ។
គោលដៅរបស់គម្រោងនេះ គឺដើម្បីបង្កលទ្ធភាពដល់យុវជនដើម្បីអាចធ្វើអន្តរកាលទៅរកឱកាសការងារសមរម្យតាមរយៈជំនាញពាក់ព័ន្ធដែលទទួលបានតាមរយៈមជ្ឈមណ្ឌលបណ្ដុះបណ្ដាលខេត្តកំពង់ឆ្នាំង។
គម្រោង FTE4Youth ប្រើប្រាស់វិធីសាស្ត្រជាប្រព័ន្ធដែលសំដៅដើម្បីដោះស្រាយបុព្វហេតុឫសគល់នៃការប្រព្រឹត្តទៅមិនសូវល្អនៃប្រព័ន្ធទីផ្សារពលកម្ម ដូច្នេះ ធានាដល់និរន្តរភាពរយៈពេលវែងរបស់គំនិតផ្ដួចផ្ដើមនេះ។
គោលដៅចុងក្រោយរបស់គម្រោង គឺធ្វើយ៉ាងណាអោយយុវជន ឆ្ពោះទៅរកឱកាសមានការងារសមរម្យ ទៅតាម ជំនាញដែលទទួលបានតាមរយៈការបណ្តុះបណ្តាលពីមជ្ឈមណ្ឌលបណ្តុះបណ្តាលវិជ្ជាជីវៈខេត្តកំពង់ឆ្នាំង។
គម្រោង ជម្រុញការផ្លាស់ប្តូរទៅរកការងារសម្រាប់យុវជន (FTE4Youth) ប្រើវិធីសាស្ត្រជាប្រព័ន្ធ (systemic approach) ដែលមានគោលបំណងដោះស្រាយឬសគល់នៃបញ្ហា ក្រោមការអនុវត្តតាមប្រព័ន្ធសិក្សាពីទីផ្សារ ការងារ(Labor market system) ដែលធានាបាននូវគំនិតផ្តួចផ្តើមដ៏យូរអង្វែង។ គម្រោងមានបំណង៖
-
រួមចំណែកក្នុងការសម្រេចបានយ៉ាងពេញលេញ និងការងារប្រកបដោយផលិតភាព រួមទាំងមានការងារសមរម្យសម្រាប់បុរស និងស្រ្តី រួមទាំងយុវជន ជនមានពិការភាព ក្នុងការទទួលបានការផ្តល់តម្លៃស្មើគ្នា ប្រាក់បៀវត្សរ៍ស្មើគ្នា (គោលដៅអភិវឌ្ឍន៍ប្រកបដោយចីរភាព ទី៨.៥)
-
ធានាថាយុវជនអាចទទួលបានជំនាញដែលកំពុងតែមានតម្រូវការពីវិស័យឯកជន និងបានយល់ដឹងអំពីឱកាសការងារសមរម្យ ដែលនេះជាលទ្ធផលពីការពង្រឹងសម្ថភាពការអប់រំ និងការគ្រប់គ្រងមជ្ឈមណ្ឌលបណ្តុះបណ្តាលវិជ្ជាជីវៈខេត្តកំពង់ឆ្នាំង ព្រមជាមួយនឹងគំនិតផ្តួចផ្តើម ជម្រុញភាពមានការងារធ្វើ។
គម្រោង បណ្តុះបណ្តាលអាជីព បច្ចេកទេស និងវិជ្ជាជីវៈយុវជនក្នុងវិស័យកែច្នៃផលិតផលកសិកម្មនៅប្រទេសកម្ពុជា
គម្រោងសកម្មដើម្បីយុវជន (ACTIVE for Youth) ឆ្លើយតបទៅតាមតម្រូវការចាំបាច់ដើម្បីកែលម្អគុណភាពនៃការបណ្ដុះបណ្ដាលវិជ្ជាជីវៈនៅកម្ពុជា។ គោលបំណងរបស់យើង គឺផ្តល់លទ្ធភាពស្មើៗគ្នាក្នុងការបណ្តុះបណ្តាលវិជ្ជាជីវៈសម្រាប់យុវជន ដែលនាំទៅរកឱកាសការងារកាន់តែច្រើន និងជាការគាំទ្រជាបន្តបន្ទាប់ដល់ការរីកចម្រើននៃឧស្សាហកម្មកសិ-កែច្នៃនៅកម្ពុជា។